Në emisionin “Pressing” u përballën kandidatët për deputetë në Kuvendin e Republikës së Kosovës. Në këtë emision u diskutua për planet e partive kryesore për zhvillimin e Pejës, për investimet në këtë komunë.
Një nga temat më të nxehta ishte ajo e mosakreditimit të universitetit publik “Haxhi Zeka”, ku edhe përplasi kanditatët mes vete.
Kandidati për deputet nga radhët e VV-së, Bashkim Nurbonja, akuzoi PDK-në se ka privatizuar universitetin, ku është bërë strehë e militantëve të kësaj partie.
Derisa, Sebiha Shala nga Partia Demokratike e Kosovës, tha se të gjithë që janë të punësuar në këto insitucione janë me kualifikime dhe meritë, ndërsa ia rikujtoi atij se si kishte përsëritur vitin në shkollën e mesme.
“Nëse PDK ka marrë vendim që të hapen universitetet ka bërë një gjë të duhur. PDK ka arrit që t’i thith investimet e mëdha, sidomos në ministritë që ka udhëhequr. Në universitetin “Haxhi Zeka”, kemi pas një vendim që ne e kemi qujt të njëanshëm dhe është marrë vendim negative për mosakredimit, ku edhe kemi parashtruar ankesë. Procesi ka filluar gabimisht nga ministri që ka ikë, duke e politizuar dhe ka pasur qasje të njëanshme. Jemi duke pritur përgjigje, jemi të pritje, pasi që kemi bërë ankesë dhe ka afat deri nesër. Heshtja nënkuptim pranim, pasi që ne i kemi programet e akredituara”, tha Shala.
Ajo tutje shtoi se lufta kundër korrupsionit është edhe prioritet i PDK-së, për të cilën z. Kadri Veseli ka edhe një projekt që është duke e prezantuar para qytetarëve tanë. /Gazeta Mejdani/
