Kryetari i Lidhjes Demokratike të Kosovës, Isa Mustafa, ka thënë se nuk ka asnjë koment në lidhje me deklaratat e anëtarëve dhe liderit të Vetëvendosjes, Albin Kurti.
Mustafa sot herët në mëngjes ka pritur në takim dy anëtarët e Bundestagut, Peter Beyer dhe Christian Schmidt, të cilët kanë ardhur në kohën kur partia e tij dhe ajo e Vetëvendosjes nuk po mund të gjejnë pajtim për arritjen e koalicionit.
Mustafa para se të hyjë në këtë takim ka thënë se nuk ka çka të komentojë për deklaratat e mbrëmshme të kreut të VV-së, Albin Kurti se “nuk dëgjoi asgjë të re” nga LDK.
“Nuk kam koment për deklaratat e mbrëmshme të VV-së”, tha Mustafa.
Dy gjermanët pas takimit me Mustafën në zyret e LDK-së do të shkojnë edhe në VV për t’u takuar me Kurtin.
Discussion about this post