Gazeta Mejdani tani e tutje do të jetë me ju. Është e re për nga mosha, por e themeluar dhe e rrethuar nga njerëz me përvojë të gjatë në gazetari dhe në fjalën e shkruar.
Parimi bazë i punës sonë mbështetet në katër pika; 1) Në respektimin e vlerave të luftës dhe përpjekjeve tona për liri; 2) Në respektimin e kodit dhe nderit të familjes; 3) Në ruajtjen deri në skajshmëri të interesave tona kombëtare, nacionale dhe shtetërore; 4) Në ruajtjen dhe promovimin e traditave tona fetare, dhe kombëtare. Këto katër pika e konsiderojmë jetike dhe shumë të rëndësishme. Ato janë të paprekshme për Gazeta Mejdani.
Siç do ta vëreni, Gazeta Mejdani ka një pamje të mrekullueshme. Ka një Impresium që e bënë të dallueshëm prej të gjithë të tjerëve. Sepse edhe është dizajnuar nga njerëz profesionistë, dhe e punuar prej njerëzve të dijes që e donë punën së bereqetshme. Edhe kategoritë e saj janë të renditura me një elegancë të madhe.
Gazeta Mejdani është i vetmi medium shqiptar që i ka dhënë kaq shumë hapësirë komunave. Ka bërë një kategori enkas për to. Tani e tutje për komunat do të informoheni mbi baza ditore, si asnjëherë më parë.
Lexues të nderuar, ju jeni ata që do të na frymëzoni për punë. Sa më shumë që jeni me ne, aq më shumë do të informoheni drejtë, shpejt, saktë dhe pa anime politike e ideologjike.
Ne konsiderojmë se lajmet e vërteta bëhen në mejdan. Nëpër zyra vetëm shkruhen.
Ju presim pra në Mejdan.
