
Disa pjesëtarë të xhandarmërisë serbe, janë parë dje në fshatin Karaçevë të Kamenicës, gjë që ka shqetësuar banorët e asaj pjese.
Lidhur me këtë rast, ministri i Mbrojtjes Anton Quni ka thënë për Telegrafin se rasti është duke u hetuar nga ana e KFOR-it.
“Që nga momenti kur është njoftuar për lëvizjen e forcave serbe brenda territorit të Kosovës jam në kontakte të vazhdueshme me kryeministrin Hoti dhe komandantin e KFOR-it, Risi. Po ashtu kam biseduar edhe me kryetarin e Kamenicës, Qëndron Kastrati. Rasti është duke u hetuar nga KFOR-i dhe autoritetet vendore të sigurisë”, ka thënë Quni.