Mbrojtësi somalez i të drejtave të njeriut nominohet për Çmimin Nobel për Paqe!

Ilwad Elman themeloi një institucion që kishte për qëllim rehabilitimin e të rinjve të radikalizuar pas bashkimit me grupet e milicive të armatosura.

Mbrojtësi i njohur somalez për të drejtat e njeriut dhe paqe, Ilwan Elman është përzgjedhur në listën e ngushtë për Çmimin Nobel për Paqe, njoftoi Instituti i Kërkimeve të Paqes.

Ai është themelues i Qendrës për Paqe dhe të Drejtat e Njeriut “Elman” në Somali, i cili merret me djemtë dhe vajzat e reja të cilët janë radikalizuar pas bashkimit me grupet e milicive të armatosura me qëllim të shpëtimit dhe rehabilitimit të tyre.

“Jam i nderuar për nominimin dhe përfshirjen në listën e ngushtë për Çmimin Nobel për Paqe”, shkroi Elman në faqen e tij zyrtare në Twitter.

Somalia është zhytur në konflikte dhe përleshje që nga viti 1990 që kanë shkaktuar zhvendosjen e miliona njerëzve dhe që kanë marrë jetët e qindra mijëra të tjerëve.

Grupi militant Al-Shabaab i lidhur me Al-Kaedën, i cili vepron në vend dhe kryen sulme terroriste, është i njohur për rekrutimin e djemve dhe vajzave të reja në radhët e saj.

Elman dhe dy të tjerë, aktivisti pro-demokratik nga Hong Kongu Nathan Law Kwun-chung dhe studenti libian Hajer Sharief, janë në mesin e kandidatëve kryesorë për Çmimin Nobel për Paqe në vitin 2019./Gazeta Mejdani/