‘Kurti ta lëshojë Kosovën, ose të vritet’, thotë ish-kandidati për deputet nga Nisma, por më vonë kërkon falje publike!

Kandidati për deputet në zgjedhjet e tetorit nga radhët e koalicionit Nisma-AKR-PD, Haxhi Hoti, është zmbrapsur.

I njëjti ka fshirë shkrimin ku thoshte se Albin Kurti, i ka dy rrugë, ta lëshojë Kosovën ose të vritet.

“Është një gabim teknik i imi, ku mediat pa më pyt mua e kanë shpërnda këtë shkrim. Kërkoj falje publike”, ka shkruar Hoti më pas në Facebook.

Gazeta Insajderi ka raportuar për shkimin e parë të Hotit, të cilin më pas edhe e kishte korrigjuar.

Ndryshe, menjëherë pas shkrimi të Insajderit për deklaratën e rrezikshme të anëtarit të Nismës së Fatmir Limajt, ka reaguar partia e këtij të fundit.

Insajderi shkruan se fjalët më poshtë ishin të Haxhi Hotit të cilat i kishte shkruar para dy orëve:

“John F. Kennedy Ishte interes i popullit amerikan që të jetë President, por nuk ishte interes i shtetit amerikan që të jetë President”.

“Albin Kurti është interes i popullit të Kosovës ndoshta, po nuk është interes i shtetit të Kosovës të jetë kryeministër”.

“Albin Kurti i ika 2 rrugë: ose ta lëshojë Kosovën ose të vritet”, ka shkruar Haxhi Hoti në profilin e tij në Facebook, transmeton Insajderi.