Kosovarët që dëshirojnë të ndihmojnë me rroba, batanije, çfarëdo lloj ndihme tjetër për Shqipërinë, mund t’i dërgojnë ato në këtë organizatë!

Një termet i cili u përcoll me 17 lëkundje të njëpasnjëshme, magnituda e të cilit arriti 6.4 shkallë ka goditur Shqipërinë në orët e para të mëngjesit të së martës. Deri më tani nga ky tërmet i rëndë janë shënuar 13 viktima dhe rreth 600 persona kanë kërkuar ndihmë mjekësore

Ndihmë për Shqipërinë ka ofruar edhe Kosova. Ushtria dhe Policia e Kosovës janë nisur mëngjesin e sotëm për në Shqipëri për të ofruar ndihmë.

Ndërkaq një organizatë nga Kosova ka filluar mbledhjen e ndihmave të cilat duhan t’i ofrojnë qytetarët e Kosovës, për t’u dalë në ndihmë atyre të Shqipërisë.

“Të gjithë të interesuarit për të sjellë ndihmat (veshmbathje për fëmijë dhe të rritur, batanije) ftohen t’i sjellin ato në zyret tona në Pejton, Rruga Pashko Vasa, nr 12/1 (ndërtesa e SIGAL-it, hyrja përballë Hotel Royal, dera e parë djathtas)”, thuhet në njoftimin e Forumi për Iniciativa Qytetare./Gazeta Mejdani/