Zëvendëskryeministri i Kosovë në detyrë, Enver Hoxhaj, ka kritikuar ministrin e Jashtëm në detyrë, Behgjet Pacollin lidhur me numrin e njohjeve të Kosovës.
Hoxhaj ka theksuar se Behgjet Pacolli, është njeriu i fundit që duhet të merret me diplomaci.
Sipas tij Pacolli u tregua i dobët në aktivitetet diplomatike duke vënë në dyshim edhe njohjet dyshifrore të Kosovës.
“Pacolli është njeriu i fundit në Kosovë që duhet të merret me politikë të jashtme. Duke tentuar që paaftësinë e tij në diplomaci ta mbulojë me diskurs të ulët, jo vetëm që po tregon sa pak kredibiltet ka, por fatkeqësisht po e dëmton edhe kredibilitetin e shtetit të Kosovës. Unë kam lënë Ministrinë e Jashtme me 114 njohje. Me Pacollin si ministër, vihet në pikëpyetje njohja nga një numër dyshifror i shteteve. Mosdija dhe mungesa e strategjisë nga Ministri Pacolli për të vepruar kanë bërë fushatën e Serbisë dhe Rusisë kundër Kosovës shumë më lehtë të realizueshme.”
