Kryeministri në detyrë i Kosovës, Ramush Haradinaj së bashku me kryetarin e Prishtinës, Shpend Ahmeti kanë marrë pjesë në përurimin e punimeve në qendrën sportive të FC Prishtinës në Bërnicë.
Haradinaj në llogarinë e tij zyrtare në Facebook ka publikuar disa fotografi nga momenti i përurimit
Në postimin e tij, Haradinaj tha se gjatë qeverisjes së tij kanë treguar kujdes të veçantë për sportin.
Po ashtu shtoi se Kosovës dhe Prishtinës i ka munguar një infrastrukturë moderne.
Për më shumë lexojeni postimin e plotë të Ramush Haradinajt:
Prishtinës dhe Kosovës i ka munguar një infrastrukturë moderne sportive, nisja e jetësimit të të cilës është lajm i mirë për futbolldashësit e kryeqytetit. Në përurim të fillimit të punimeve në qendrën sportive të klubit FC Prishtina në Bërnicë, theksova se gjatë qeverisjës, kemi treguar kujdes të veçantë ne mbështetje të sportit dhe talentëve tanë. Renovimi i stadiumit “Fadil Vokrri” dhe vendimi për fillimin e ndërtimit të stadiumit kombëtar “Dardania Arena”, si dhe ligji për sponsorizim të sportit dhe kulturës dëshmojnë përkushtimin tonë që sportistët e rinj të zhvillojnë talentin e tyre në kushte solide.
