Ditën e dytë të fushatës zgjedhore, Koalicioni AAK-PSD, sot ka mbajtur tubim në sallën e kuqe në Prishtinë.
Kandidati për kryeministër i këtij koalicioni, Ramush Haradinaj gjatë fjalimit të tij ka thënë që është shumë mirë që është kthyer nga Amerika dhe të gjendet në mesin e simpatizantëve.
“Është për mu ma e mira e mundshme që me kthyen prej Amerikës me qenë në mesin e juaj. Në Amerike ndihem si ne shtëpinë time, sepse Amerika na don dhe na respekton”
“Një porosi për ata që janë mundu me bind popullin që jena prish me Amerikën, kurrë s’jemi prish as nuk na prish kurrë, ka momente të vështira të popullit por asnjëherë s’kemi me u pirsh”, tha Haradinaj
“Ne kemi dhënë prova tash së fundmi që jemi organizim që dimë me fonksionu edhe kur s’kemi qenë në koalicion bashkë AAK-PSD. Si psh, ne tema të interesit nacional, siç është ushtria, rasti i takses, si dhe rasti I Trepçës pastaj si veprimi me ligjin për kryeqytetin, ligji për pagat kemi dit me vepru. Nuk na ka pengu asgjë që na mi marr vendimet e drejta”, tha Haradinaj
“Ky koalicion është funksional, nuk është krijim artificial, nuk është vetëm bashkim mekanik, por vërtetë ka aftësi vepruese në tema shumë të rënda kur të tjerët bëjnë edhe pengesa”, tha ai
“ Ne e kemi mbrojte tërësinë territoriale, kur janë qu plot mi shti gërshërët në Kosovën tonë edhe më bë kinse marrëveshje kreative me Serbinë, mirëpo fati deshi të jemi aty dhe mos ntë lëjohet kjo gjë”, u shpreh Haradinaj./Gazeta Mejdani/
Discussion about this post