Diskutime të ashpra janë zhvilluar sot në Kuvendin e Kosovës, teksa deputeti i VV-së, Haki Abazi, i është kundërpërgjigjur kreut të AAK-së, Ramush Haradinaj në lidhje me deklaratën e këtij të fundit për Albin Kurtin.
Abazi e ka pyetur Haradinajn se cili shërbim sekret e ka kthyer nga burgu në Francë, sipas tij drejt e në kryeministri.
Në pyetjen e zotit Haradinaj që mendoj që në gjuhën parlamentare nuk duhet të ekzistojë ajo formë e poshtrimit të njerëzve të cilët kanë përgjegjësinë dhe mandatin nga mbi 50% të popullatës dhe e kthen gjuhën parlamentare në një konflikt të panevojshëm, bën njëfar lloj helmimi të opinionit publik në formën e pyetjeve se cili shërbim sekret e ka rekrutuar kryeministri, rrjedhimisht ngrit çështjet të cilat zotin Haradinaj duhet pyetur se se cili shërbim sekret e ka kthyer nga dhomat e burgut në Francë drejt e në kryeministri”, tha Abazi.
Kjo deklaratë e Abazit erdhi pasi që Haradinaj paraprakisht në fjalën e tij e kishte pyetur Kurtin se a e ka rekrutuar ndonjë shërbim serb gjatë kohës që kishte qenë në burg.
