Kreu i ushtrisë amerikane, gjenerali Mark Milley paralajmëroi se ishte ende e paqartë se si Rusia mund të reagojë ndaj pengesave të fundit në fushën e betejës në Ukrainë, duke kërkuar kujdes midis trupave amerikane gjatë një vizite në një bazë ushtarake në Poloni që po ndihmon Ukrainën në luftën e saj.
“Lufta nuk po shkon mirë për Rusinë për momentin. Prandaj, është detyrë e të gjithëve ne të mbajmë një gjendje të lartë vigjilence”, u tha gjenerali Milley gazetarëve në Varshavë pasi vizitoi bazën ku janë vendosur trupat amerikane, duke mos e bërë të ditur emrin apo vendndodhjen e saj.
Milley tha se nuk po sugjeronte që trupat amerikane në Evropë janë nën ndonjë kërcënim të shtuar, por ai tha se ato duhet të jenë gati.
“Në drejtimin e luftës, ju thjesht nuk e dini me një shkallë të lartë sigurie se çfarë do të ndodhë më pas,” tha ai.
