Let’s do it Kosovo s’di të ndalur. Ajo po bëhet njëra ndër pasqyrat më të mira të shtetit të Kosovës, shkruan Gazeta Mejdani
Drejtori Ekzekutiv i ‘Let’s do it Kosova’, Luan Hasanaj, ka thënë se ndër lajmet më të mira që kanë mundur të ndodhin deri tani në vendin tonë është që Kosova të udhëheqë një lëvizje globale në të cilën bëjnë pjesë 157 shtete. Dhe kjo është një e arritur e madhe për vendin tonë
“Sot Kosova është qendër e raportimeve për aksionin e pastrimeve nga 157 shtete të botës, pra kemi shumë aktivistë që kanë ardhur në Kosovë, kemi shumë media të huaja që janë në qendrën e thirrjeve të cilët po e përcjellin programin 24 orësh i cili është duke ndodhur” ka thënë ai.
Ai ka thënë se për fat të keq në qendër të Prishtinës është një lokacion i mbushur me mbeturina dhe me këtë rast ai ka ka treguar shkakun pse kjo po ndodh.
“Jemi lodhur duke i fajësuar qytetarët, institucionet dhe duke mos ndërmarr veprime. Kjo deponi e cila po pastrohet sot është një lokacion i krijuar prej një komuniteti të taksistëve të cilën po ofrojnë shërbime të bartjes së mbeturinave në Prishtinë dhe pothuajse në gjitha komunat e Kosovës. Është e pakuptueshme se si institucionet nuk i ndalojnë këta njerëz”, ka thënë ai.
Hasanaj u ka bërë apel gjitha institucioneve, ministrit të Mjedisit, Fatmir Matoshi, drejtoreshës për Shërbime Publike, Medina Braha, që ta përdorin ndikimin dhe autoritetin e tyre tek institucionet e tjera përgjegjëse për të ndaluar këta persona, ndërsa qytetarët të jenë më të vëmendshëm në ruajtjen e ambientit.
“Kosova është e jona. Ate duhet të ruajmë të gjithë së bashku”, ka shtuar në fund të fjalës së tij, Luan Hasanaj./Gazeta Mejdani/
