Mbrëmë është mbajtur Konventa e koalicionit Nisma-AKR-PSD ku dhe u nominua Fatmir Limaj për kandidat për kryeministër të Kosovës, shkruan Gazeta Mejdani.
I pari që foli në këtë konventë ishte, kryetari i AKR-së, Behgjet Pacolli.
Ai tha se tash është koha e fundit që Kosova të prodhojë lajme të mira pasi imazhi i saj po shkatërrohet çdo ditë.
Ai tha se sot në Konventën e Koalicionit AKR, Nisma dhe PD filluam rrugëtimin tonë për të sjellë shpresë në Kosovë.
Më pastaj, Presidenti i AKR-së shkroi në llogarinë e tij në Facebook këto fjalë:
Ne e nominuam sot z. Fatmir Limaj si kandidat të koalicionit tonë për Kryeministër.
Ky koalicion do të shpalos programin e shpresës dhe ndryshimit për popullin e Kosovës nga sot deri më 6 tetor, koalicion i cili do të zhvillojë ekonominë, do të krijojë vende të reja pune, do të forcojë partneritetin tonë me Perëndimin dhe Shtetet e Bashkuara dhe do të fuqizoj shtetin ligjor.
Koalicioni ynë është shtylla kryesore e qeverisë së ardhshme.
Ne do të formësojmë 4 vitet e ardhshme për ta bërë Kosovën një shtëpi të barabartë dhe të prosperuar për të gjithë.
Ne do t’i japim shpresë popullit dhe do ta shndërrojmë Kosovën tonë në një vend modern dhe të prosperuar.
Bashkohuni me rrugëtimin tonë të shpresës dhe pas 6 tetorit do të hapim kapitullin e ri së bashku në Kosovë./Gazeta Mejdani/
