Aktivitet i bujshëm nëpër Kosovë i partisë Lëvizja për Drejtësi!

Sikur të gjitha partitë tjera në Kosovë, edhe Lëvizja për Drejtësi po vazhdon aktivitetin e saj nëpër terren. Krerët e kësaj partie shihen duke mbajtur takime me qytetarë anekënd Kosovës, shkruan Gazeta Mejdani

Shikuar në web-faqen e kësaj partie, Kryetari i Lëvizjes për Drejtësi ka shpresë të madhe se do t’ia arrijnë.

Lëvizja për Drejtësi merr pjesë në zgjedhjet e 6 tetorit, në listën e Vetëvendosjes. Ata kanë dy kandidatë për deputetë, Sylejman Çerkezi numër 31, dhe Dr. Beni Kizolli me numër 32.

Për më tepër, Prof. Sylejman Çerkezi është themeluesi dhe kryetari i parë i Partisë së Drejtësisë.

Në anën tjetër, Dr. Beni Kizolli që vjen nga Prizreni, është personalitet tejet i pëlqyer në qytetin e tij. Janë të njohura pjesëmarrjet e Dr. Kizollit nëpër aktivitete të ndryshme në jetën sociale.

Së fundmi, Prof. Sylejman Çerkezi, Dr. Beni Kizolli e udhëheqës tjerë të Lëvizjes për Drejtësi kanë vizituar edhe Gjilanin ku janë takuar me aktivistët e partisë dhe me qytetarë të shumtë.

Anëtari i Kryesisë së kësaj partie që është i njohur me aktivitetin e tij të pandalshëm, Fitim Bajrami, ka shkruar në llogarinë e tij në Facebook edhe këto fjalë:

“Faleminderit për mbështetjën e kandidatëve tanë“./Gazeta Mejdani/