Ahmeti: AAK-PSD e domodoshme për ta mbajtur Kosovën në kufijtë e vet!

Kryetari i PSD-së, Shpend Ahmeti, ka thënë se vetëm koalicioni AAK-PSD mund ta mbajë Kosovën në kufijtë e vet dhe ta mbrojë nga rreziqet.

“Kur Ramush Haradinaj u kthye sot nga SHBA tregoi edhe për rrezikun e krijimit të një “Dodik Republike” brenda Kosovës. Nuk është rrezik vetëm ndarja, por edhe kjo”.

“Ne duam marrëveshje edhe me Serbinë dhe gjithashtu duam që qytetarët t’i kenë të drejtat që i meritojnë pavarësisht etnisë. Të gjithë qytetarët janë të barabartë dhe i meritojnë të gjitha të drejtat”.

“Por ne nuk pranojmë asnjëherë që dikush të na merr copa të territorit apo të na krijohet një këso Republikë brenda Kosovës”.

“Pra më 6 tetor s’po votoni për askënd prej nesh, por jeni duke votuar për ta mbrojtur pragun tonë. Koha e luftës ka mbaruar tash është koha e betajave të tavolinave”.

“AAK-PSD është e domosdoshme që Kosova të mbetet në kufijtë që i ka. Fokusohuni në temën që ne po luftojmë ta mbajmë. Këtë presion duhet ta durojmë të gjithë. E kam parë se si Haradinaj lufton në presion. E pamë si e la postin për këtë. Ne i dorëzojmë postet tona, mua nuk më vyen të jem kryetar i Prishtinës dhe as juve të jeni deputet nëse e japim Kosovën”.

“Duroni bëhuni bashkë dhe më 6 tetor të mos e japim Kosovën”.

Po ashtu, Ahmeti lavdëroi vendimin e Qeverisë Haradinaj për Ligjin për Prishtinën duke akuzuar qeverisjet e mëhershme që për interesa personale e dëmtuan kryeqytetin.