Finalja e Ligës së Kampionve gjithmonë ka zgjuar interesim të madh. Mbase edhe vendi se ku do të mbahet ka qenë temë diskutimi dhe vazhdon të jetë edhe më tutje. Wembley thuhet se mund ta organizojë finalen e vitit 2023 të Ligës së Kampionëve,transmeton Gazeta Mejdani.
Zyrtarët e UEFA-së kanë konfirmuar se finalja e madhe do të mbahet në stadiumin nacional të Anglisë në shenjë nderimi të njëqindvjetorit të Kullave Binjake.
Stadiumi i Wembleyt do ta organizonte për herë të tretë finalen e Ligës së Kampionëve që nga rihapja në vitin 2007, pasi hera e parë ishte në vitin 2011 kur Manchester United u përball me Barcelonën dhe dy vite më vonë kur Bayern Munich e mposhti Dortmundin e Jurgen Kloppit.
Finalja e këtij sezoni do të zhvillohet në stadiumin “Ataturk Stadium” në Stamboll, ndërsa në vitin 2021 pritet të mbahet në stadiumin e Zenitit, derisa ajo e vitit 2022 në Allianz Arena të Bayernit.
UEFA ka bërë me dije se finalet e Ligës së Kampionëve tani do të organizohen në stadiume më të mëdha dhe do të jetë e mundshme që tifozët mos të kenë pengesa gjatë udhëtimit. /Gazeta Mejdani/
