Përfitimet e mjaltit shkojnë përtej ëmbëlsimit të kosit apo çajit të pasdites. I pasur me veti antiseptike, antibakteriale dhe antioksiduese, mjalti është një nga produktet më të mira të bukurisë. E rëndësishme është të përdorni mjaltë organik që nuk është i pasterizuar apo përpunuar.
Ja si mund ta përdorni mjaltin si produkt bukurie në fytyrë, trup dhe flokë.
Në fytyrë
Luftoni aknet. Lërjani mjaltit të sulmojë bakterin që shkakton shfaqjen e puçrrave dhe akneve në fytyrë, ndërkohë që zbusni edhe lëkurën. Hidhni pak mjaltë në pambuk dhe vendoseni tek pjesët ku keni puçrra. Lëreni për rreth 15-20 minuta dhe më pas e lani fytyrën me ujë të vakët.
Eliminoni rrathët e errët poshtë syve
Një lugë mjaltë do t’ju ndihmojë të zbehni rrathët e errët dhe ënjtet përreth syve. Përzieni në sasi të barabartë mjaltë dhe vaj bajamesh, më pas e aplikoni si krem për sy përpara se të flini; e lani fytyrën në mëngjes.
Zbehni rrudhat
Përzieni 1 lugë gjelle mjaltë me gjysmë avokado të copëtuar. E përhapni me kujdes në fytyrë dhe mbajeni për rreth 15-20 minuta, më pas e shpëlani fytyrën me ujë të vakët.
Në trup
Kujdesuni për lëkurën
E imagjinoni veten duke u larë në qumësht dhe mjaltë? Kjo praktikë bukurie e inspiruar nga Kleopatra duhet të ndiqet edhe nga ju. Mjafton të tretni 2-3 lugë gjelle mjaltë në 1 filxhan ujë të ngrohtë. Hidheni në vaskë dhe futuni në të – do të ndiheni si mbretëreshë.
Në flokë
Iu jepni shkëlqim
Ju jepni volum dhe shkëlqim flokëve: Përzieni ½ filxhan mjaltë dhe ¼ filxhan vaj ulliri ose kokosi. Aplikojeni në flokë që nga rrënja deri në maskë, mbajeni për 20 minuta më pas i lani flokët. Përdoreni këtë trajtim njëherë në javë.
Zbutni fijet e flokut
I bëni fijet e flokut më të buta duke hedhur 1 lugë çaji mjaltë në shampo. Përdoreni sa herë lani flokët./Health/Gazeta Mejdani/
Discussion about this post