Vitamina D – Prodhohet më shpesh kur drita e diellit përthithet nga lëkura. Kur kjo ndodh kolesteroli kthehet në vitaminë D.
Më pas vitamina D merret nga mëlçia dhe veshkat dhe transportohet nëpër trup për të ndihmuar në krijimin e qelizave të shëndetshme. Vitamina D luan një rol të rëndësishmë në ngjyrën e lëkurës. Mund edhe të ndihmojë në trajtimin e psoriazës.
Mund ta rrisni marrjen e vitaminës D:
- duke qëndruar 10 minuta në ditë në diell
- duke ngrënë ushqime të fortifikuara si drithërat e mëngjesit, kosi, lëng portokalli etj.
- duke ngrënë ushqime që kanë vitaminë D në mënyrë natyrale si salmon, tuna dhe merluc
- merrni suplemente të vitaminës D, të rekomanduara nga mjeku
Vitamina C – Vitamina C gjendet në nivele të larta në epidermë (shtresa e jashtme e lëkurës) si dhe në dermë (shtresa e brendshme e lëkurës). Vetitë që ka për luftimin e kancerit dhe roli në prodhimin e kolagjenit ndihmon në mbajtjen e lëkurës të shëndetshme. Për këtë arsye, vitamina C është një nga përbërësit kyç në shumë produkte për kujdesin e lëkurës.
Marrja e vitaminës C në mënyrë orale mund të rrisë efektivitetin e kremrave kundra diellit. Gjithashtu vitamina C ndihmon në reduktimin e shenjave të plakjes, si përshembull rrudhat. Marrja e mjaftueshëm vitaminë C mund të ndihmojë dhe në riparimin dhe parandalimin e lëkurës së thatë.
Nëse doni të merrni më shumë vitaminë C mund të:
- hani më shumë fruta si portokalli ose pini lëng portokalli
- hani burime të tjera bimore të vitaminës C si luleshtrydhet, brokoli dhe spinaqi
- merrni suplemente të vitaminës C, të rekomanduara nga mjeku
- përdorni kremra për lëkurën që përmbajnë vitaminë C
Vitamina E – Ashtu si vitamina C edhe vitamina E është një antioksidant. Funksioni i saj kryesor në lëkurë është ta mbrojë atë kundra dëmtimit nga dielli. Vitamina E absorbon rrezet e dëmshme ultraviolet të diellit kur aplikohet në lëkurë. Kështu parandalon krijimin e rrudhave dhe shenjave të errëta.
Normalisht, trupi prodhon vitaminë E nëpërmjet sebumit, një substancë yndyrore që prodhohet nga poret e lëkurës.
Mund ta merrni vitaminën E:
- duke ngrënë më shumë bimë arrore dhe fara, si bajame, lajthi, arra dhe fara luledielli
- duke marrë suplemente të vitaminës E
Vitamina K – Vitamina K është bazike në procesin e mpiksjes së gjakut, që ndihmon në shërimin e plagëve, nxirjeve dhe zonave të prekura nga një operacion kirurgjikal. Funksionet bazike të vitaminës K gjithashtu përfshijnë përmirësimin e problemeve të lëkurës si:
- shenjave në lëkurë
- rrathët e syve
- strijat në lëkurë
Mund të merrni më shumë vitaminë K duke ngrënë:
- lakër jeshile
- spinaq
- sallatë jeshile
- lakër
- bishtaja
Burimi: Healthline
